Portail des Champs Libres

Vous êtes ici : Portail des Champs Libres / Bretagne / Diskouezadegoù ha Gweladennoù heñchet

Diskouezadegoù ha Gweladennoù heñchet

Taille du texte

Mirdi Breizh

Furch-difurch

Ar c’havadennoù arkeologiezh e Breizh

Gant an diskouezadeg "Furch-difurch" eo pedet an dud da welet an enklaskoù bet kaset da benn e-kerzh an ugent vloaz tremenet er pevar departamant a zo e Rannvro Breizh. Ouzhpenn studiadennoù ha furchadegoù graet a-nevez ha n’int ket bet diskouezet gwech ebet c’hoazh evit lod anezhe, e kaver amañ ivez an doareoù nevez ma sell ar skiantourien ouzh traoù zo hag a oa bet diskoachet pell zo. Heñchet e vefet gant an diskouezadeg eus donedigezh an dud kentañ da Vreizh war-dro - 600 000, betek an amzerioù tostañ, dre emdroadur an teknikoù, an doareoù soñjal ha lojeiz hon hendadoù o doa gouvezet en em ober diouzh ar cheñchamantoù hin pe politikerezh a zo bet a-hed hon istor.

visite

Gweladenn heñchet e brezhoneg

d’ar Merc’her 1 ha 29 a viz C’hwevrer da 6e noz e mirdi Breizh !

Texte - Traduction breton expo (copie 2)

Pellgargit testennoù an diskouezadeg Furch-difurch

Da c’houzout: Troet eo bet an diskouezadeg e brezhoneg gant Ofis Publik Ar Brezhoneg. An droidigezh-mañ e stumm ul levrig a zo da amprestañ dirak mont tre an diskouezadeg Furch-Difurch.

Diskouezadeg pad : Hollved eo Breizh

Diskouezadegou1

Gant an diskouezadeg-mañ e vez kinniget deoc’h istor Breizh eus ar ragistor d’ar 21añ kantved gant 2300 a draezoù diskouezet war 2000m2.
Ingal e vez kinniget deoc’h gweladennoù heñchet e brezhoneg gant mirdi Breizh. Ouzhpenn ober anaoudegezh gant an diskouezadeg er yezh-se, ar pal eo broudañ pep hini da sevel e vouezh evit kaozeal e brezhoneg diwar-benn an holl zanvezioù a vez pledet ganto hed-ha-hed ar weladenn. Da-geñver ar weladenn-se e vo bannet filmoù an diskouezadeg e brezhoneg.
Gweladenn heñchet d’ar 1añ a viz C’hwevrer da 18e, pad : 1e
Teiryezhek (brezhonek, saoznek, gallek) eo testennoù an 21 tem kinniget en diskouezadeg.