Yaouankiz

« Un avantur eo Breizh » zo ur c’hoari enklask evit ar re vihan hag ar re vras a dalvez d’ober anaoudegezh gant istor Breizh asambles gant tud all ar familh.

Ur gartenn, ur c’hevellunedenn hag ur werenn-greskiñ ganeoc’h en ho taouarn, kit d’ober anaoudegezh gant Breizh, eus ar Ragistor d’an deiz hiziv. Sikouret e vioc’h da adkavout an titouroù ret evit klokaat ho kartenn ergerzhet gant testenioù daouzek den kevrinus. Prest oc’h da redek an avantur ?

Penaos ober ? Goulennit ar sac’h « Un avantur eo Breizh » e degemer mirdi Breizh er 1añ estaj. Digoust eo evit ar weladennerien ganto bilhedoù evit ar mirdi, eus ar Meurzh d’ar Sul,
Pad ar veaj a vo etre 1e hag 1e30.

Gallout a rit ober ar weladenn-c’hoari-se en ho frankiz, forzh pegoulz e-kerzh an devezh (sellet ouzh eurioù digeriñ ar savadur).
Pourmenadenn vat deoc’h !